ഇമ്മിണി വലിയ വിശേഷവുമായി ഉര്‍വശി; കളിയും കാര്യവുമായി ‘വീട്ട്ലെ വിശേഷം’ ട്രയ്ലെര്‍
- Videos
ഉർവശി കേന്ദ്രകഥാപാത്രമായെത്തുന്ന കോമഡി ചിത്രം ‘വീട്ട്ലെ വിശേഷ’ത്തിന്റെ ട്രെയിലർ റിലീസായി. സത്യരാജ്, ആർജെ ബാലാജി എന്നിവരാണ് സിനിമയിലെ മറ്റ് പ്രധാന കഥാപാത്രങ്ങൾ.മലയാളി താരം അപർണ്ണ ബാലമുരളി നായികയായി എത്തുന്ന സിനിമയിൽ അന്തരിച്ച നടി കെപിഎസി ലളിതയും ഒരു പ്രധാന വേഷത്തിലെത്തുന്നുണ്ട്.
ബോളിവുഡില്‍ ഏറെ പ്രേക്ഷക പ്രശംസ നേടിയ, ആയുഷ്മാന്‍ ഖുറാനയെ നായകനാക്കിആര്‍ ജെ അമിത് ശർമ സംവിധാനം ചെയ്ത ‘ബദായ് ഹോ’ എന്ന ചിത്രത്തിന്റെ തമിഴ് റീമേക്കാണ് ‘വീട്ട്ലെ വിശേഷം’. ആര്‍.ജെ. ബാലാജിയും എൻ ജെ ശരവണനും ചേര്‍ന്നാണ് സിനിമ തമിഴിൽ സംവിധാനം ചെയ്യുന്നത്. മദ്ധ്യവയസ്കയായ അമ്മ വീണ്ടും ഗർഭിണിയാകുന്നതും, തുടർന്ന് ഇവരുടെ നാട്ടിലും വീട്ടിലും ഉണ്ടാകുന്ന സംഭവവികാസങ്ങളുമാണ് സിനിമയുടെ പ്രേമേയം. ഹിന്ദിയില്‍ ആയുഷ്മാന്‍ ഖുറാന ചെയ്ത വേഷം തമിഴില്‍ ആര്‍ ജെ ബാലാജി തന്നെയാണ് ചെയ്തിരിക്കുന്നത്.
തമിഴ് സ്റ്റാര്‍ നയന്‍താര നായികയായി എത്തിയ മുക്കുത്തി അമ്മനാണ് ഇതിനു മുന്‍പ് ആര്‍ ജെ ബാലാജിയും എന്‍ ജെ ശരവണനും ചേര്‍ന്ന് സംവിധാനം ചെയ്ത സിനിമ. കാർത്തിക്ക്‌ മുത്തുകുമാർ ക്യാമറ കൈകാര്യം ചെയ്തിരിക്കുന്നു. ബോണി കപൂർ നിർമിക്കുന്ന ‘വീട്ട്ലാ വിശേഷം’ ജൂൺ 17ന് തിയറ്ററുകളിലെത്തും.
