ഹൃദയം കീഴടക്കാന്‍ റോക്കി ഭായിയ്ക്ക് ശേഷം ചാര്‍ലിയെത്തുന്നു.

ഹൃദയം കീഴടക്കാന്‍ റോക്കി ഭായിയ്ക്ക് ശേഷം ചാര്‍ലിയെത്തുന്നു.

മലയാളിയായ നവാഗത സംവിധായകൻ കെ കിരൺരാജിന്‍റെ കന്നഡചിത്രം 777ചാർലിയുടെ  ട്രെയ്‌ലർ റിലീസ് ചെയ്തു. നടനും സംവിധായകനും നിർമാതാമാവുമായ കന്നട സൂപ്പർതാരം രക്ഷിത്‌ ഷെട്ടി നായകനായെത്തുന്ന ചിത്രത്തിൽ ഒരു നായയും പ്രധാന വേഷത്തിലെത്തുന്നു. ചാർലി എന്ന നായകുട്ടിയും, ധർമ്മ എന്ന രക്ഷിത്‌ ഷെട്ടിയുടെ കഥാപാത്രവും  തമ്മിലുള്ള മനോഹരമായ ബന്ധം കാണിക്കുന്ന ട്രെയ്‌ലറാണ് റിലീസ് ചെയ്തിരിക്കുന്നത്. അഞ്ചു ഭാഷകളിലായി  പുറത്തിറങ്ങുന്ന ചിത്രത്തിന്റെ മലയാളം പതിപ്പിന്റെ വിതരണം ഏറ്റെടുത്തിരിക്കുന്നത്  പൃഥ്വിരാജ്‌ പ്രൊഡക്ഷൻസാണ്.

ചാർലി  എന്ന നായകുട്ടിയുടെ വരവോടുകൂടി, പരുക്കനായ ധർമ്മ എന്ന യുവാവിന്റെ ജീവിതത്തിൽ ഉണ്ടാകുന്ന പ്രശ്നങ്ങളും, ധർമ്മയുടെ ജീവിതത്തിൽ വരുന്ന മാറ്റങ്ങളും കാണിക്കുന്നതാണ്   ട്രെയ്‌ലർ. കിരൺരാജ് രചന നിർവഹിച്ചിരിക്കുന്ന ചിത്രത്തിൽ സംഗീത ശൃംഗേരി നായികയായെത്തുന്നു. ഗരുഡ ഗമന വൃഷഭ വാഹന എന്ന കന്നഡ ചിത്രത്തലൂടെ കയ്യടി നേടിയ നടനും സംവിധായകനുമായ രാജ് ബി ഷെട്ടിയും സിനിമയിൽ പ്രധാന വേഷത്തിലെത്തുന്നുണ്ട്. ബോബി സിംഹ, ഡാനിഷ്  സേട്ട്, ഹനി യാധവ്, അനിരുധ് റോയ് എന്നീ താരങ്ങളും സിനിമയിൽ മറ്റ് വേഷങ്ങളിലെത്തുന്നു.

നോബിൻ പോളാണ്‌  ചിത്രത്തിന്റെ സംഗീതസംവിധാനം നിർവഹിക്കുന്നത്. അരവിന്ദ് കശ്യപ് ചായാഗ്രഹണം നിർവഹിക്കുന്ന 777 ചാർലിയിൽ എഡിറ്റിംഗ് നിർവഹിക്കുന്നത് പ്രതീക് ഷെട്ടിയാണ്. ജി.എസ്. ഗുപ്തയും രക്ഷിത് ഷെട്ടിയും നിർമിക്കുന്ന ചിത്രം പരംവഹ് സ്റ്റുഡിയോയുടെ ബാനറിൽ, ജൂൺ 10 ന് റിലീസ് ചെയ്യും.

Spread the love

Related post

ലെഫ്ടെനെന്റ്‌ റാമിന്‍റെ പ്രണയകഥയുമായി ദുൽഖർ എത്തുന്നു; ‘സീതാരാമം’ ടീസര്‍ റിലീസായി

ലെഫ്ടെനെന്റ്‌ റാമിന്‍റെ പ്രണയകഥയുമായി ദുൽഖർ എത്തുന്നു; ‘സീതാരാമം’ ടീസര്‍ റിലീസായി

ദുൽഖർ സൽമാൻ  നായകനാകുന്ന തെലുങ്ക് ചിത്രം ‘സീതാരാമം’ ടീസര്‍ റിലീസായി. ഹനു രാഘവപുഡി സംവിധാനം ചെയ്യുന്ന…
ഒരു ഒന്നൊന്നര കേസുമായി കുഞ്ചാക്കോ ബോബനെത്തുന്നു; ‘ന്നാ താന്‍ കേസ് കൊട്’ തീയേറ്ററുകളിലേക്ക്

ഒരു ഒന്നൊന്നര കേസുമായി കുഞ്ചാക്കോ ബോബനെത്തുന്നു; ‘ന്നാ താന്‍ കേസ്…

‘ആൻഡ്രോയ്ഡ് കുഞ്ഞപ്പൻ’,’കനകം കാമിനി കലഹം’ എന്നീ ചിത്രങ്ങൾക്ക് ശേഷം രതീഷ് ബാലകൃഷ്ണൻ പൊതുവാൾ കുഞ്ചാക്കോ ബോബനെ…
സിനിമയില്‍ മുപ്പത് വര്‍ഷം പൂര്‍ത്തിയാക്കി കിംഗ്‌ ഖാന്‍; ‘പത്താ’ന്‍റെ മോഷന്‍ പോസ്റ്റര്‍ റിലീസായി

സിനിമയില്‍ മുപ്പത് വര്‍ഷം പൂര്‍ത്തിയാക്കി കിംഗ്‌ ഖാന്‍; ‘പത്താ’ന്‍റെ മോഷന്‍…

സിനിമാ ജീവിതത്തില്‍ മുപ്പത് വര്‍ഷം പൂര്‍ത്തിയാക്കിയ സന്തോഷം പങ്കുവെക്കുന്നതിനിടയില്‍ തന്‍റെ പുതിയ ചിത്രമായ പത്താന്‍റെ മോഷന്‍…

Leave a Reply

Your email address will not be published.