നടി കെ.പി.എ.സി. ലളിതയുടെ അവസാന ചിത്രം റിലീസായി

നടി കെ.പി.എ.സി. ലളിതയുടെ അവസാന ചിത്രം റിലീസായി

സമീപ കാലത്തു നമ്മെ വിട്ട് പോയ മലയാളിക്കേറ്റം പ്രിയപ്പെട്ട കെ.പി.എ.സി. ലളിത അവസാനമായി അഭിനയിച്ച ചിത്രം, ‘വീട്ടിലെ വിശേഷം’ തീയേറ്ററുകളിൽ റിലീസായി. 2018 ല്‍ തിയേറ്ററുകളിലെത്തി വലിയ പ്രേക്ഷക ശ്രദ്ധ നേടിയ ബോളിവുഡ് ചിത്രം, ‘ബദായ് ഹോ’യുടെ റീമേക്കായാണ് ചിത്രം ഒരുക്കുന്നത്.  ഉർവശി മുഖ്യ കഥാപാത്രം അവതരിപ്പിക്കുന്ന ചിത്രത്തിൽ ആർ.ജെ.ബാലാജി, ഭാഗ്യരാജ് എന്നിവരും കെ.പി.എ.സി. ലളിതക്ക് പുറമെ മുഖ്യ വേഷത്തിലെത്തുന്നു.

 

 

ഒരു മധ്യവര്‍ഗ കുടുംബത്തിലെ മധ്യവയസ്കയായ സ്ത്രീ  ഗർഭിണിയാകുന്നതും, ആ  കുടുംബത്തിലെ ഓരോ അംഗത്തിന്റെയും  സമൂഹത്തിലെ  നില നില്പിനെ ബാധിക്കുന്നതുമാണ് ആക്ഷേപ ഹാസ്യത്തിന്റെ അകമ്പടിയോടെ ചിത്രത്തിൽ അവതരിപ്പിക്കുന്നത്. കുടുംബത്തെ നിയന്ത്രിക്കുന്ന അമലു അമ്മാളായാണു കെ.പി.എ.സി. ലളിതയെത്തുന്നത്. രോഗബാധിതയായി കെ.പി.എ.സി. ലളിതയെ ആശുപത്രിയില്‍ പ്രവേശിപ്പിക്കുന്നതിനു തൊട്ടുമുന്‍പാണു സിനിമയുടെ ഷൂട്ടിങ് പൂർത്തിയായത്. മരണ സമയത്ത് ലളിതയുമൊന്നിച്ചുള്ള ഷൂട്ടിങ് രംഗങ്ങള്‍ ആര്‍.ജെ.ബാലാജി പങ്കുവച്ചിരുന്നു.

 

 

ആര്‍.ജെ. ബാലാജിയും എന്‍.ജെ. ശരവണയും സംയുക്തമായി സംവിധാനം ചെയ്ത ചിത്രത്തില്‍, അപര്‍ണ ബാലമുരളിയാണു നായിക വേഷത്തിലെത്തുന്നത്. നയൻതാരയെ മുഖ്യ കഥാപാത്രമാക്കിയൊരുക്കിയ ‘മൂക്കൂത്തി അമ്മാൻ’ആണ്, ആര്‍.ജെ. ബാലാജിയുടെ മുൻ സംവിധാനസംരംഭമായി പുറത്തു വന്നത്. മരണശേഷം പുറത്തിറങ്ങിയ ഭീഷ്മ പർവ്വം എന്ന ചിത്രത്തിലെ വേഷത്തിനു കെ.പി.എ.സി. ലളിതക്ക്  വലിയ പ്രേക്ഷക ശ്രദ്ധ നേടിയിരുന്നു. ഫെബ്രുവരി 22നായിരുന്നു 75ആമത്തെ വയസിൽ മകനായ സിദ്ധാർഥ് ഭരതന്റെ വസതിയിൽ വച്ച് കെ.പി.എ.സി. ലളിത അന്തരിച്ചത്.

Spread the love

Related post

ലെഫ്ടെനെന്റ്‌ റാമിന്‍റെ പ്രണയകഥയുമായി ദുൽഖർ എത്തുന്നു; ‘സീതാരാമം’ ടീസര്‍ റിലീസായി

ലെഫ്ടെനെന്റ്‌ റാമിന്‍റെ പ്രണയകഥയുമായി ദുൽഖർ എത്തുന്നു; ‘സീതാരാമം’ ടീസര്‍ റിലീസായി

ദുൽഖർ സൽമാൻ  നായകനാകുന്ന തെലുങ്ക് ചിത്രം ‘സീതാരാമം’ ടീസര്‍ റിലീസായി. ഹനു രാഘവപുഡി സംവിധാനം ചെയ്യുന്ന…
ഒരു ഒന്നൊന്നര കേസുമായി കുഞ്ചാക്കോ ബോബനെത്തുന്നു; ‘ന്നാ താന്‍ കേസ് കൊട്’ തീയേറ്ററുകളിലേക്ക്

ഒരു ഒന്നൊന്നര കേസുമായി കുഞ്ചാക്കോ ബോബനെത്തുന്നു; ‘ന്നാ താന്‍ കേസ്…

‘ആൻഡ്രോയ്ഡ് കുഞ്ഞപ്പൻ’,’കനകം കാമിനി കലഹം’ എന്നീ ചിത്രങ്ങൾക്ക് ശേഷം രതീഷ് ബാലകൃഷ്ണൻ പൊതുവാൾ കുഞ്ചാക്കോ ബോബനെ…
സിനിമയില്‍ മുപ്പത് വര്‍ഷം പൂര്‍ത്തിയാക്കി കിംഗ്‌ ഖാന്‍; ‘പത്താ’ന്‍റെ മോഷന്‍ പോസ്റ്റര്‍ റിലീസായി

സിനിമയില്‍ മുപ്പത് വര്‍ഷം പൂര്‍ത്തിയാക്കി കിംഗ്‌ ഖാന്‍; ‘പത്താ’ന്‍റെ മോഷന്‍…

സിനിമാ ജീവിതത്തില്‍ മുപ്പത് വര്‍ഷം പൂര്‍ത്തിയാക്കിയ സന്തോഷം പങ്കുവെക്കുന്നതിനിടയില്‍ തന്‍റെ പുതിയ ചിത്രമായ പത്താന്‍റെ മോഷന്‍…

Leave a Reply

Your email address will not be published.