‘സൂരറൈ പോട്ര്’ ബോളിവൂഡില്‍ എത്തുമ്പോള്‍ അതിഥി വേഷത്തില്‍ ‘റോളക്സ്’
- Stories
സുധ കൊങ്കര സംവിധാനം ചെയ്ത്, സൂര്യ, അപര്‍ണ ബാലമുരളി എന്നിവർ കേന്ദ്ര കഥാപാത്രങ്ങളായെത്തി വലിയ ഹിറ്റായ സിനിമയാണ് ‘സൂരറൈ പോട്ര്’. ചിത്രത്തിന്റെ ഹിന്ദി റീമേക്കിൽ, നടൻ സൂര്യയും അതിഥി വേഷത്തിലെത്തുന്നു. തന്റെ ട്വിറ്റെർ അക്കൗണ്ടിലൂടെ താരം തന്നെയാണ് ഈ വിവരം പുറത്തു വിട്ടത്. അക്ഷയ് കുമാറാണ് സിനിമയിൽ നായക വേഷത്തിലെത്തുന്നത്.
സിനിമയുടെ ലൊക്കേഷന്‍ ചിത്രവും സൂര്യ പങ്കുവെച്ചിട്ടുണ്ട്. സുധ കൊങ്കര തന്നെയാണ് ‘സൂരറൈ പോട്രി’ന്റെ ഹിന്ദി പതിപ്പും സംവിധാനം ചെയ്യുന്നത്.അപര്‍ണ ബാലമുരളി അവതരിപ്പിച്ച ബൊമ്മിയായി രാധിക മധന്‍ സിനിമയിലെത്തുന്നു.സൂര്യയുടെ നിര്‍മാണക്കമ്പനിയായ 2 ഡി എന്റര്‍ടെയ്ന്‍മെന്റ്സും വിക്രം മല്‍ഹോത്ര എന്റര്‍ടെയ്ന്‍മെന്റും ചേര്‍ന്നാണ് സിനിമ നിർമ്മിക്കുന്നത്.
ഇന്ത്യയിലെ ആദ്യ ബജറ്റ് എയര്‍ലൈനായ എയര്‍ ഡെക്കാന്റെ സ്ഥാപകന്‍ ക്യാപ്റ്റന്‍ ജി.ആര്‍. ഗോപിനാഥിന്റെ ആത്മകഥയായ ‘സിംപ്ലി ഫ്ളൈ – എ ഡെക്കാന്‍ ഒഡീസി’ എന്ന പുസ്തകത്തെ ആധാരമാക്കിയാണ് ‘സൂരറൈ പോട്ര്’ നിർമ്മിചിരിക്കുന്നത്. ആമസോണ്‍ പ്രൈമിലൂടെ 2020 നവംബര്‍ 12ന് റിലീസ് ചെയ്ത തമിഴ് ചിത്രം, വലിയ പ്രേക്ഷക പ്രശംസ പിടിച്ചുപറ്റിയിരുന്നു. സിനിമ, ഓസ്‌കാര്‍ ചുരുക്കപ്പട്ടികയിലേക്ക് നിര്‍ദേശിക്കപ്പെട്ടിരുന്നെങ്കിലും, അവസാനഘട്ടത്തില്‍ പുറത്താകുകയായിരുന്നു. ഉലകനായകന്‍ കമല്‍ ഹാസന്റെ ‘വിക്ര’മില്‍, സൂര്യയുടെ അതിഥി വേഷം വലിയ ആവേശത്തോടെയാണ് ആരാധകർ ഏറ്റെടുത്തത്.
