പുരസ്കാരം പങ്കുവച്ച് ജോജുവും ബിജുമേനോനും. മികച്ച നടി രേവതി;  2021 ലെ സംസ്ഥാന അവാർഡുകൾ പ്രഖ്യാപിച്ചു.

2021 ലെ സംസ്ഥാന ചലച്ചിത്ര അവാർഡുകൾ പ്രഖ്യാപിച്ചു. മധുരം, നായാട്ട് എന്നീ സിനിമകളിലെ പ്രകടനത്തിന് മികച്ച നടനായി ജോജു ജോര്‍ജിനെയും ആർക്കറിയാം എന്ന ചിത്രത്തിലെ പ്രകടനത്തിന് ബിജു മേനോനെയും തിരഞ്ഞെടുത്തു.  മികച്ച നടിയായി രേവതിയെയാണ് ജൂറി തെരഞ്ഞെടുത്തത്. ഭൂതകാലത്തിലെ അഭിനയത്തിനാണ് അവാര്‍ഡ് ലഭിച്ചത്. മികച്ച ചിത്രത്തിനുള്ള പ്രത്യേക ജൂറി പുരസ്കാരം ജിയോ ബേബിയുടെ ഫ്രീഡം ഫൈറ്റിന് ലഭിച്ചു. മികച്ച സംവിധായകനായി തിരഞ്ഞെടുത്തത് ദിലീഷ് പോത്തനെയാണ്. ജോജി എന്ന സിനിമയ്ക്കാണ് അവാർഡ് ലഭിച്ചത്.

കൃഷാന്ത് ആർ കെ സംവിധാനം ചെയ്ത ആവാസവ്യൂഹം മികച്ച ചിത്രമായി തിരഞ്ഞെടുത്തു. മികച്ച രണ്ടാമത്തെ ചിത്രത്തിനുള്ള പുരസ്കാരം റഹ്മാൻ ബ്രദേഴ്സ് സംവിധാനം ചെയ്ത ചവിട്ട് എന്ന ചിത്രവും താര രാമാനുജൻ സംവിധാനം ചെയ്ത നിഷിദ്ധോ എന്ന ചിത്രവും പങ്കിട്ടു. മികച്ച സ്വഭാവനടനായി സുമേഷ് മൂറിനെയും (കള) മികച്ച സ്വഭാവ നടിയായി ഉണ്ണിമായയെയും (ജോജി) തിരഞ്ഞെടുത്തു.ജോജിയുടെ തിരക്കഥ തയ്യാറാക്കിയ ശ്യാം പുഷ്കരനാണ് മികച്ച തിരക്കഥാകൃത്ത്. ​ഹിഷാം അബ്ദുൾ വഹാബിനെ മികച്ച സം​ഗീത സംവിധായകനായി തിരഞ്ഞെടുത്തു. മികച്ച ചായഗ്രാഹാകനുള്ള അവാര്‍ഡ്  ചുരുളിയിലെ മികച്ച പ്രകടനത്തിന് മധു നീലകണ്ഠന്‍ സ്വന്തമാക്കി.​ഹൃദയം എന്ന ചിത്രത്തിലെ സം​ഗീതത്തിനാണ് അവാർഡ് സ്വന്തമാക്കിയത്. ജസ്റ്റിൻ വർ​ഗീസ് മികച്ച പശ്ചാത്തല സം​ഗീതത്തിനുള്ള പുരസ്കാരവും നേടി. മികച്ച ഗാനരചയിതാവ് ബി.കെ. ഹരിനാരായണൻ (ഗാനം: കണ്ണീരു കടഞ്ഞു കടിഞ്ഞൂല്‍ പെറ്റുണ്ടായ, ചിത്രം: കാടകലം)മികച്ച പിന്നണി ഗായകൻ പ്രദീപ് കുമാർ (ഗാനം: രാവിൽ മയങ്ങുമീ പൂമടിയിൽ, ചിത്രം: മിന്നല്‍ മുരളി). മികച്ച ഗായിക സിത്താര കൃഷ്ണകുമാർ (ഗാനം: പാൽനിലാവിൻ പൊയ്കയിൽ, ചിത്രം: കാണെകാണെ).

മികച്ച ചലച്ചിത്ര ഗ്രന്ഥത്തിനുള്ള 142 ചിത്രങ്ങളാണ് ജൂറി പരിഗണിച്ചത്. ചുരുക്ക പട്ടികയില്‍ എത്തിയത് 29 ചിത്രങ്ങളാണ്. രണ്ട് സിനിമകള്‍ ജൂറി വീണ്ടും വിളിച്ചുവരുത്തി കണ്ടു. മികച്ച നടൻ-നടി അടക്കം  പ്രധാന വിഭാഗങ്ങളിൽ കടുത്ത മത്സരമാണ് ഇത്തവണ നടന്നത്. ഹിന്ദി സംവിധായകനും തിരക്കഥാകൃത്തുമായ സയ്യിദ് അഖ്തർ മിർസ ചെയർമാനായ അന്തിമ ജൂറിയാണ് ചിത്രങ്ങൾ വിലയിരുത്തിയത്. കേരള സാംസ്കാരികവകുപ്പും ചലച്ചിത്ര അക്കാദമിയും ചേർന്ന് തീരുമാനിക്കുന സ്വതന്ത്രജൂറിയാണ് പുരസ്കാരങ്ങൾ തീരുമാനിക്കുന്നത്. മന്ത്രി സജി ചെറിയാനാണ് ഇക്കൊല്ലത്തെ അവാർഡുകൾ പ്രഖ്യാപിച്ചത്.