താരയുദ്ധത്തിന് കളമൊരുങ്ങി; ഇലവനും ഒബി-വാൻ കെനോബിയും എത്തുന്നു

സീരീസ് പ്രേമികളെ ആവേശത്തിലാഴ്ത്തി ‘സ്ട്രേഞ്ചർ തിങ്സ്’ സീസൺ 4 നെറ്റ്ഫ്ലിക്സിലും, ‘ഒബി-വാൻ കെനോബി’ ഡിസ്‌നി പ്ലസിലും എത്തുന്നു. ജൂലൈ 15, 2016 ല്‍ ആണ് നെറ്റ്ഫ്ലിക്സിലൂടെ ആദ്യമായി  ‘സ്ട്രേഞ്ചർ തിങ്സ്’ പ്രേക്ഷകര്‍ക്ക്‌ മുന്നിലെത്തുന്നത്. ജോര്‍ജ് ലൂക്കസ്  സൃഷ്ടിച്ച ഒരു ബഹിരാകാശ ഓപ്പറ ഫ്രാഞ്ചൈസിയാണ് ‘സ്റ്റാര്‍ വാര്‍സ്’. ‘സ്റ്റാര്‍ വാര്‍സി’ലെത്തിയ ജെടി മാസ്റ്ററാണ് ‘ഒബി-വാൻ കെനോബി’.

ലോകമെമ്പാടും ആരാധകരുള്ള അമേരിക്കൻ സയൻസ് ഫിക്ഷൻ-ഹൊറർ വെബ് പരമ്പരയാണ് ‘സ്ട്രേഞ്ചർ തിങ്സ്’. ഒൻപത് എപ്പിസോസുകളായെത്തുന്ന നാലാം സീസണിലെ പാര്‍ട്ട് 1 ഡഫര്‍ ബ്രദേഴ്സാണ് അവതരിപ്പിക്കുന്നത്.വിനോന റൈഡർ , ഡേവിഡ്‌ ഹാർബർ, ഫിൻ വൂൾഫ്ഹാർഡ് , മില്ലി ബോബി ബ്രൗൺ, ഗറ്റൻ മാതരസ്സോ, കാലബ് മക്ലൂഗ്ലിൻ, നടാലിയ ഡയർ, ചാർലി ഹീറ്റൺ, കാര ബുവോനൊ, എന്നിവർ പ്രധാന വേഷങ്ങളിലെത്തുന്നു.ഡേവിഡ് ഹാര്‍ബര്‍ അവതരിപ്പിക്കുന്ന ജിം ഹോപ്പറിന്റെ തിരിച്ചുവരവിനോടൊപ്പം ഇത്തവണ  പരമ്പരയിലെ ശക്തമായ കഥാപാത്രമായ  മാക്സ് മേയ്ഫീല്‍ഡും ഈ സീസണിലെ പ്രധാന ശ്രദ്ധാകേന്ദ്രം ആയിരിക്കുമെന്ന് ഡഫര്‍ ബ്രതെഴ്സ്  അറിയിച്ചിട്ടുണ്ട്. സീസണിലെ ആദ്യ ഭാഗം മെയ്‌ 27 നും, രണ്ടാം ഭാഗം ജൂലൈ 1 നും സ്ട്രീം ചെയ്യും.

ഡിസ്‌നി പ്ലസിലൂടെ എത്തുന്ന ‘ഒബി-വാൻ കെനോബി’യാണ് പ്രേക്ഷകർ കാത്തിരിക്കുന്ന അടുത്ത അമേരിക്കൻ ടെലിവിഷൻ പരമ്പര. സ്റ്റാർ വാർസിലൂടെ അവതരിപ്പിച്ച ഒബി-വാൻ കേനോബി എന്ന കഥാപാത്രത്തെ കേന്ദ്രീകരിച്ചാണ് പുതിയ മിനിസീരിസ് എത്തുന്നത്. “സ്റ്റാർ വാർസ് : എപ്പിസോഡ് III – റിവെൻജ് ഓഫ് ദി സിത് ന്’പത്ത് വർഷം ശേഷം നടക്കുന്ന കഥയാണ് ഒബി-വാൻ കേനോബി പറയുന്നത്. ഇവാൻ മക് ഗ്രിഗോറാണ് ഒബി-വാൻ കേനോബിയായെത്തുന്നത്.രണ്ട് എപ്പിസോഡുകളായെത്തുന്ന സീരിസ് ഡെബോറാ ചോ സംവിധാനം ചെയ്യുന്നു. ജോബി ഹരോൾഡാണ് ഷോ റണ്ണർ.റുപെർട് ഫ്രണ്ട്, സങ് കങ്, മോസസ് ഇന്ഗ്രാം, ബെന്നി സഫ്‌ദി, ജോയൽ എഡ്ഗർട്ടൻ, ബോനി പീസ്സേ എന്നിവരും സീരിസിലെത്തുന്നു.