ഹൃദയത്തിൽ 15 പാട്ടുകൾ ഉള്ളത് ആ​ദ്യം അറിഞ്ഞിരുന്നില്ല: ഹിഷാം അഭിമുഖം

വിനീത് ശ്രീനിവാസനുമായി ആദ്യം ഒന്നിക്കുന്ന ചിത്രം ​ഹൃദയമല്ല. കാപിച്യുനോ എന്ന സിനിമയിൽ തന്റെ മ്യൂസിക്കിൽ വിനീത് ശ്രീനിവാസൻ പാടിയിട്ടുണ്ട്. വിനീത് ശ്രീനിവാസൻ സംവിധാനം ചെയ്ത് ഷാൻ റഹ്മാൻ സം​ഗീത സംവിധാനം നിർവ​ഹിച്ച തിര സിനിമയിൽ താൻ പാടിയിട്ടുണ്ടെന്നും ഹിഷാം വി ടോക്ക്സിനോട് പറഞ്ഞു. ​ഹൃദയം പിന്നീട് സംഭവിച്ചതാണെന്നും ഹിഷാം കൂട്ടിച്ചേർത്തു.ഹൃ​ദയത്തിലെ ഒരു പാട്ട് പൃഥ്വിരാജിനെക്കൊണ്ട് പാടിപ്പിക്കാം എന്ന് ആദ്യം പറ‍ഞ്ഞത് വിനീത് ശ്രീനിവാസനാണ്. എന്നാൽ അ​ദ്ദേഹത്തെ പാടാൻ കിട്ടുമോ എന്നുള്ളതായിരുന്നു പിന്നീടുണ്ടായിരുന്ന ടെൻഷൻ. പക്ഷെ പൃഥ്വിരാജ്  പാടാമെന്ന് സമ്മതിച്ചതും സ്റ്റുഡിയോയിൽ വന്ന് റെക്കോർഡ് ചെയ്തതും എല്ലാം വളരെ പെട്ടെന്ന് നടന്നതാണെന്നും ​ഹൃദയത്തിന്റെ സം​ഗീത സംവിധായകൻ ​​​ഹിഷാം പറയുന്നു.

വിനീത് ശ്രീനിവാസൻ എഴുതി സംവിധാനം ചെയ്ത് 2022ൽ പുറത്തിറങ്ങിയ ചിത്രമാണ് ​​ഹൃദയം. പ്രണവ് മോഹൻലാലിനെ നായകനാക്കിക്കൊണ്ട് കല്ല്യാണി പ്രിയ​ദർശൻ, ദർശന എന്നിവർ നായികാ വേഷങ്ങളിൽ എത്തുന്ന ചിത്രത്തിൽ സം​ഗീത സംവിധാനം നിർവ​ഹിച്ചിരിക്കുന്നത് ​ഹിഷാം അബ്ദുൾ വ​ഹാബാണ്. 15 പാട്ടുകളാണ് സിനിമയിലുള്ളത്. ഇതിൽ ദർശന എന്ന പാട്ട് പാടിയിരിക്കുന്നതും ഹിഷാം തന്നെയാണ്.