മൈഥിലിയ്ക്ക് കൂട്ടായി ഇനി സമ്പത്ത്; താരത്തിളക്കത്തില്‍ മൈഥിലിയുടെ വിവാഹ സത്കാരം

നടി മൈഥിലിയുടെ ആർക്കിടെക്ടായ സമ്പത്തും ​വിവാ​ഹിതരായി . ​ഗുരുവായൂർ വച്ചാണ് വിവാഹം നടന്നത്. ​വിവാഹത്തിനു ശേഷം കൊച്ചിയിൽ വച്ചാണ് റിസപ്ഷൻ നടത്തിയത്. വിവാഹത്തിന് വളരെ സിംപിളായി വേഷമിട്ട മൈഥിലി വെഡ്ഡിങ് റിസപ്ഷന് എത്തിയത് റെഡ് കാർപെറ്റ് ലുക്കിലാണ്. റെഡ് ​ഗൗണും ഡയമണ്ട് ചോക്കറും ധരിച്ചെത്തിയ മൈഥിലി  എല്ലാവരുടേയും ശ്ര​ദ്ധ നേടി.മൂന്ന് ലുക്കുകളിലായാണ് വിവാഹദിവസം മൈഥിലി എത്തിയത്. ​ഗുരുവായൂരിൽ വച്ചുള്ള ചടങ്ങിൽ വളരെ സിംപിളായാണ് മൈഥിലി എത്തിയത്. ഇതിൽ നിന്നും വ്യത്യസ്തമായി വെഡിങ് ഫങ്ഷനിൽ മെറൂൺ സാരിയിൽ മൈഥിലി തിളങ്ങി. തുടർന്ന് കൊച്ചിയിലെ ഹോട്ടൽ ​ഗ്രാൻഡ് ​ഹയാത്തിസ്‍ നടത്തിയ റിസപ്ഷനിലാണ് റെഡ് ​ഗൗണിൽ  എത്തിയത്. ശ്രിന്ദ, ജോജു ജോർജ്, ​ഗ്രേസ് ആന്റണി തുടങ്ങി നിരവധി താരങ്ങളാണ് റിസപ്ഷന് എത്തിച്ചേർന്നത്.

പാലേരി മാണിക്യം എന്ന സിനിമയിലൂടെയാണ് മൈഥിലി സിനിമയില്ഡ എത്തുന്നത്. തുടർന്ന് ചട്ടമ്പിനാട്, സാൾട്ട് ആൻഡ് പെപ്പർ, നല്ലവൻ , മായാമോ​ഹിനി, ലോ​ഹം, മേരാ നാം ഷാജി തുടങ്ങി നിരവധി ചിത്രങ്ങളിൽ വേഷമിട്ടു. ചട്ടമ്പിയാണ് മൈഥിലിയുടെ ഇനി ഇറങ്ങാനിരിക്കുന്ന സിനിമ.